Դրամ
Դրամ
Մարդուն ապրելու համար անհրաժեշտ է սնունդ, ըմպելիք, հագուստ և այլ իրեր: Այս ամենը կարելի է դրամով գնել:
Հնագույն ժամանակներում մարդիկ դրամի փոխարեն տարբեր իրեր էին օգտագործում: Օրինակ, խեցիներ, սուրճի հատիկներ, թանկարժեք քարեր և այլն:
Այնուհետև մարդիկ խեցիների փոխարեն սկսեցին օգտագործել ոսկի և արծաթ: Ոսկին ու արծաթը թանկարժեք մետաղներ են: Դրանք թանկ արժեն: Այդ պատճառով առևտուրը ոսկով և արծաթով էր կատարվում:
Սկզբում փողը մետաղադրամների տեսքով էր: Մետաղադրամները պատրաստվում էին ոսկուց, արծաթից, բրոնզից և երկաթից: Մարդիկ մետաղադրամներով կերակուր էին գնում, ապրանք, հագուստ և այլն:
Մետաղը ծանր է: Մետաղյա դրամներն էլ ծանր էին: Շատ հարուստ մարդիկ մետաղադրամներ ունեին: Շատ մետաղադրամներ կրելը ծանր էր: Սա է պատճառը, որ մարդիկ, տասնյոթերորդ դարից ոսկին սկսեցին բանկերում պահել: Ոսկու փոխարեն բանկը նրանց տալիս էր թղթյա դրամանիշներ: Հենց դա էր թղթադրամը: Թղթյա դրամը փոխարինում է ոսկյա և արծաթյա մետաղադրամներին:
Թղթյա դրամը թողարկում է պետությունը: Տարբեր երկրներում փողը տարբեր անվանում ունի. Վրաստանում` լարի, Հայաստանում` դրամ, Ադրբ-եջանում` մանաթ, Ռուսաստանում` ռուբլի, Անգլ-իայում` ֆունտ ստեռլինգ, Ամերիկայի Միացյալ Նահանգներում` դոլար ...
Վարկային քարտ
Վարկային քարտը փոքրիկ քարտ է: Վարկային քարտերը բանկերը թողարկել են քսաներորդ դարում: Վարկային քարտի մեջ մուտքագրված են տեղեկություններ տիրոջ մասին: Վարկային քարտերի վրա պահում են փողը: Վարկային քարտի վրա փոխանցվում է աշխատավարձը: Վարկային քարտը ֆինանսական փաստաթուղթ է: Խանու-թներում կարելի է վճարումներ անել վարկային քարտով, առանց թղթադրամի:
Ինչպես տեսաք, տարբեր ժամանակներում տարբեր միջոցով էին առևտուր անում: Փողը տարբեր ժամանակենրում տարբեր տեսք ուներ.
• խեցիներ, սուրճ, թանկարժեք քարեր,
• մետաղադրամ,
• թղթադրամ,
• վարկային քարտ:
Նոր դրամական միավորը ստեղծվում է հատուկ դեպքերում.
Օրինակ, Նոր Զելանդիայում նոր փող թողարկեցին` «Հոբիտի» մետաղադրամներ:
Հոբիտները հորինված արարածներ են: Դրանց հորինել է գրող Ջոն Տոլկիենը, իսկ ռեժիսոր Փիթեր Ջեքսոնը ֆիլմ է նկարահանել:
«Հոբիտները» աշխարհում մեծ հաջողությունների է հասել:
Այդ պատճառով Նոր Զելանդիայում թողարկվել են մետաղադրամներ:
Մետաղադրամների գինը 24 դոլարից մինչև 3000 դոլար է: Ամենաթանկ մետաղադրամը ոսկուց է պատրաստված:
Վրացական լարին
Վրաստանի ազգային արժույթը լարի է կոչվում: Լարին թղթադրամ է: Կան մեկ լարիանոց, երկու լարինոց, հինգ լարիանոց, տասը լարիանոց, քսան լարիանոց, հիսուն լարիանոց, հարյուր լարիանոց և երկու հարյուր լարիանոց թղթադրամներ: Դրանց վրա հայտնի մարդկանց լուսանկարներ են:
Սա մեկ լարին է: Մեկ լարիանոցի վրա Նիկո Փիրոսմանիի լուսանկարն է: Նիկո Փորոսմանին վրացի նկարիչ էր:
Երկու լարիանոցի վրա Զաքարիա Փալիաշվիլիի լուսանկարն է: Զաքարիա Փալիաշվիլին վրացի կոմպոզիտոր էր: Նա գրել է «Դաիսի» օպերան:
Սա հինգ լարիանոց է: Հինգ լարիանոցի վրա Իվանե Ջավախիշվիլիի լուսանկարն է:
Իվանե Ջավախիշվիլին վրաց պատմաբան էր: Նա հիմնադրել է առաջին համալսարանը Վրաստանում: Այդ համալսարանը կրում է Իվանե Ջավախիշվիլիի անունը:
Տասը լարիանոցի վրա Ակակի Ծերեթելիի լուսանկարն է: Ակակի Ծերեթելի վրաց գրող և բանաստեղծ էր:
Հատկապես Ակակի Ծերեթելիին ժողովուրդն էր սիրում: Նրան «Ժողովրդական պոետ» էին կոչում:
Ակակիի մասին երկու Ֆիլմ կա նկարահանված` «Ակակիի օրորոցը», որը Ակակի Ծերեթելիի մանկության մասին է, և «Ակակիի ճանապարհորդությունը Ռաճա-Լեչխումիում»:
Սա քսան լարիանոց է:
Քսան լարիանոցի վրա Իլյա Ճավճավաձեի լուսանկարն է:
Իլյա Ճավճավաձեն վրաց բանաստեղծ և գրող էր: Բացի այդ, Իլյա Ճավճավաձեն հիմնադրել է «Գրագիտություն տարածող հասարա-կությունը» և առաջին բանկը Վրաստանում:
Իլյա Ճավճավաձեին վրաց եկեղեցին սրբերի շարքն է դասել:
Հիսուն լարիանոցի վրա Թամար թագուհու լուսանկարն է:
Թամար թագուհին միասնական Վրաստանի թագուհին էր: Նրա թագավորության շրջանը «Ոսկե դարա-շրջան» են կոչում:
Թամար թագուհին սրբերի շարքն է դասված:
Սա Շոթա Ռուսթավելի է: Շոթա Ռուսթավելին վրաց բանաստեղծ էր:
Նա գրել է «Վագրե-նավորը»:
Շոթա Ռուսթավելու անունը հայտնի է ամբողջ աշխարհում: Նա մեծագույն մտածող էր:
Երկու հարյուր լարիանոցի վրա Քաքուցա Չոլողաշվիլին է:
Քաքուցա Չոլողաշվիլին ազգային հերոս է:
Նա պայքարել է Վրաստանի անկախության համար: