Կարասը
Ներածություն
Եթե աշնանը խաղողահավաքի ժամանակ եղել եք գյուղում, անպայման տեսած կլինեք կավե աման, որի մեջ վրացի գյուղատնտեսները գինի են պահում: Կարասներ հատկապես շատ ունեն
Կախեթիում: Կախեթին տարածաշրջան է Վրաստանում և այստեղ աճում է շատ և համեղ խաղող: Կախեթցիները խաղողի հյութը պահելու համար հենց կարասներ էին օգտագործում, և դա
հենց իրենք էին պատրաստում:
Վրացի մարդը շատ է սիրում և գնահատում կարասի գինին, իսկ կարասը խնամում է և պահպանում:
Ինչպե՞ս է պատրաստվում կարասը
Կարասը պատրաստվում է կավից: Կավը հող է, բայց, ի տարբերություն սովորական հողի, այն ավելի պլաստիկ է և խառնուրդ պատրաստելիս նրան կարելի է ցանկացած ձև տալ: Հենց այդպես են պատրաստում նաև կարասը: Եթե կավը վատ որակի է, լավ կարաս չի ստացվի, և այն ճաքեր կտա: Այդ պատճառով Կախեթիում լավ որակի կավ են ընտրում, և կարասն էլ մեծ ջանադիրությամբ պատրաստում:
Նախ, կավից խառնուրդ են պատրաստում և մաքրում, մանր ավազ չպետք է թողնել, հնում այն ձեռքով էին խառնում, այժմ շարժիչի միջոցով են խառնում: Հունցած զանգվածին ձեռքով տալիս են
կարասի ձև և հատուկ հաստոցի վրա ուղղում են այն: Կարասը պետք է ձվաձև լինի, տակը պետք է սրածայր լինի և փակ, իսկ բերանը` կլոր և բաց, որ լավ մաքրեն և հետո գինի լցնեն մեջը: Կարասի ձևևածքը ստանալուց հետո, այն տեղադրում են տաք վառարանի մեջ և աստիճանաբար ավելացնում են ջերմաստիճանը: Դրա պատրաստելը շատ դժվար է, և մի քանի օր է տևում:
Կարասները միայն Վրաստանում են պատրաստվում: Դրա մեջ հնեցված գինին առանձնապես համեղ է և անուշաբույր: Կարասի գինին հավանում են նաև արտասահմանում և Վրաստանից այն արտահանում են վաճառքի համար:
Ինչ եք կարծում, ինչո՞ւ է կարասի գինին ավելի համեղ, քան տակառի գինին: Գինեգործներն ասում են, որ կավն ունի շնչելու ունակություն, և գինին նրա մեջ կարող է զարգանալ: Իսկ ինչ վերաբերում է փչանալուն, այն երբեք չի փչանում, ինչը միշտ կարող է պատահել տակառի գինու դեպքում: Ասում են, որ կարասի մեջ գինին դիմանում է տարիներ: Պատմում են, որ հնում իշխանները, երբ տղա էին ունենում, այդ ժամանակ քամած գինին լցնում էին կարասի մեջ, և միայն այն ժամանակ էին բացում կարասը, երբ երեխան մեծանում էր և ամուսնանում ... Ահա, այսպես կարասը կարող է գինին անփոփոխ պահպանել երկար ժամանակ:
Հավանաբար Ձեզ կհետաքրքրի նաև այն, թե ինչո՞ւ չի ճաքում կարասը և չի թափվում գինին: Մինչը կարասը հողի մեջ դնելը, նրան մոմ են քսում ներսից: Այսպես լրացնում են մանր անցքերը, դրանից հետո գինին կարասից այլևս չի կարող
դուրս հոսել:
Վերջաբան
Կարաս պատրաստելը շատ հետաքրքիր և զվարճալի է: Ցանկացած մարդ կարող է մասնակցել դրան: Դուք նույնպես կարող եք հունցած կավից փոքրիկ կարաս ծեփել և փորձեք պատրաստել այն:
