Գինեսի ռեկորդների գիրքը (պատմություն)
Գինեսի ռեկորդների գիրքը ստեղծելու գաղափարը հղացել է 1951 թվականին Վեքսֆորդում` Իռլանդիայում, «Գինեսի» գարեջրի գործարանի տնօրեն սեր Հյու Բիվերի
մոտ: Բիվերը մասնակցել է վեճի, թե որ եվրոպական թռչունն էր ամենաա-րագաշարժը (ոսկե դաշտակտցարը և կաքավ) և այս հարցի պատասխանը չի կարողացել գտնել որևէ հանրագիտարանում: Նա հայտնաբերել է, որ գոյություն չունի ոչ մի այնպիսի գիրք, որն այդպիսի առանձնահա-տուկ բնույթի տեղեկատ-վություն կտար մար-դկանց: Նա
որոշում է ստեղծել այդպիսի մի գիրք է, և սկսում է հավաքել իրական փաստեր: Հենց նա հիմք դրեց «Գինեսի ռեկո-րդների գրքի» գաղա-փարին:
1954 թվականին արդեն Լոնդոնում Մակվրայթեր եղբայրները հիմնադրել են վիճակագրական գործա-կալություն, որտեղ անսովոր փաստեր էին հավաքում: 1955 թվականի օգոստոսի 27-ին առաջին անգամ հրատարակվել է Գինեսի ռեկորդների գիրքը, և այն շատ արագ դարձել է բրիտանական բեսթսելեր:
Հայտնի է, որ Գինեսի ռեկորդների գրքի 400 միլիոն օրինակ է վաճառված նրա առաջին հրապարակումից մինչև օրս, և այսօր էլ այն համարվում է ամենամեծ քանակությամբ վաճառված գիրքը: Գինեսի ռեկորդների գիրքը թարգմանվել է 37 լեզուներով, իսկ նրա առաջին հրատարակությունը բաղկացած էր 197 էջից:
Գինեսի ռեկորդների գիրքը պատմում է այն մարդկանց մասին, ովքեր ունեն հատուկ հատկություններ, կամ կարող են անել մի բան, որ ուրիշների մոտ չի ստացվում...
Օրինակ, Գինեսի ռեկորդների գրքում ընդգրկված է ամենաարագ լաստերով վազորդը` գերմանացի Մարեն Ցոկները, որը հարյուր մետր տարածությունը վազել է 22,35 վայրկյանում:
Գինեսի ռեկորդների գիրքը նաև պատմում է մի մարդու մասին, ով ունի աշխարհի ամ-ենաերկար քիթը: Այդ մարդը թուրք Մեհմեդ Ուզու-րեկն է: Նրա քթի երկարությունը 8.8 սմ է` ճակատից մինչև քթանցքերը:
Նման հետաքրքիր լուրերն առատ են Գինեսի ռեկորդների գրքում: Հետաքրքիր է, թե մարդ ինչպե՞ս կարող է ընդգրկվել այս գրքի մեջ, կամ` ո՞վ է գնահատում այդ փաստերը:
Գինեսի ռեկորդների գրքի հիմնական կազմակերպությունը և հրատարակչությունը գտնվում է Անգլիայում, Լոնդոնում: Յուրաքանչյուր թեկնածու նամակ է ուղարկում այս կազմակերպություն անգլերեն լեզվով: Բացի այդ, թեկնածուն անգլերեն պետք է լրացնի հայտաձևը, որը տեղադրված է Գինեսի ռեկորդների գրքի պաշտոնական կայք-էջում: Կայքում գրանցվելուց հետո, վեցից ութ շաբաթվա ընթացքում ակնկալվում է ձեր դիմումի պատասխանը Լոնդոնից: Դիմում լրացնելը բացա-րձակապես անվճար է, բայց եթե որևէ մեկը ցանկանում է վեց շաբաթվանից շուտ ստանալ պատասխանը (արագացված պատասխան), ապա նա դրա համար պետք է վճարի 400 բրիտանական ֆունտ: Պետք է նշել, որ ռեկորդի սահմանման մասին տեղեկատվության արագացված թե ժամանակին մշակումը իմաստային կողմի վրա ոչ մի ազդեցություն չի գործում: Թեկնածուին դրական թե բացասական պատասխանի մասին կտեղեկացվի գրավոր:
