Շնաձկներ

Շնաձուկը ձկների տեսակ է: Այն ամենամեծ ձուկն է: Շնաձկներն ապրում են ծովերում և օվկիանոսներում: Օվկիանոսներում ավելի շատ շնաձկներ են ապրում, քան ծովերում: Գիտնականները ենթադրում են, որ շնաձկների շուրջ 500 տեսակ գոյություն ունի: Քանի տեսակ գոյություն ունի իրականում, չգիտենք: Գիտնականները շնաձկներին բաժանում են երեք տիպի` իսկական, հնագույն և եղջերավոր շնաձկների:

Շնաձուկը շատ տարօրինակ ձուկ է: Որոշ շնաձկներ մեծ են, որոշ շնաձկներ` փոքր: Կան 47 սանտիմետրանոց շնաձկներ, իսկ որոշ շնաձկների երկարությունը կարող է հասնել 20 մետրի: Շնաձկների մի մասը կաթնասուն է: Իսկ դա նշանակում է, որ մայր շնաձուկը ծնում է ձագին և կրծքով կերակրում: Թեպետ, շնաձկների մեծ մասը մյուս ձկների նման է բազմանում: Շնաձկներն ունեն նաև ընդհանուր հատկանիշ: Նրանք միշտ փոխում են ատամները: Մի շնաձուկը կյանքի ընթացքում կարող է 30 000 ատամ փոխել: Այսպես է լինում, որովհետև շնաձկների ատամները մի քանի շարքով են դուրս գալիս: Եթե շնաձկան առջևի ատամը կոտրվում է, հետևի ատամը դրա տեղն է զբաղեցնում, իսկ հետևի ատամի տեղում այլ ատամ է աճում:

Շնաձկները շատ վտանգավոր են և ագրեսիվ: Թեպետ գիտնականներն այլ կերպ են մտածում շնաձկների մասին: Որոշ գիտնականներ համարում են, որ շնաձուկն այնքան վտանգավոր ձուկ չէ, ինչպես այդ երևում է ֆիլմերում: Գիտնականները մտածում են նաև, որ շնաձկները շատ խելացի և հետաքրքասեր ձկներ են: Ասում են, նրանց ամեն ինչ հետաքրքրում է: Այդ պատճառով շնաձկներն ուզում են ամեն ինչի դիպչել: Նրանք միայն ատամներով կարող են դիպչել: Այդ պատճառով է, որ շնաձկներն ամեն ինչ ուտում են: Ասում են, շնաձկները երկու կամ երեք ամիս կարող են քաղցած մնալ: Այս շրջանից հետո նրանք շատ են քաղցածանում և այդ պատճառով էլ դառնում են ագրեսիվ և վտանգավոր:

Մակո շնաձուկը

Շնաձկների տեսակներից մեկը կոչվում է մակո: Մակոն ամենաարագաշարժ շնաձուկն է: Նրա երկարությունը 3 մետրից ավելի է, իսկ քաշը կարող է լինել 60-135 կգ: Չնայած, ձկնորսները բռնել են նաև 500-կգ-ից ավել քաշով շնաձուկ: Այն լողում է ժամում 50 կմ արագությամբ: Մի մակո շնաձուկ 37 օրում 2120 կմ է կտրել-անցել: Մակո շնաձկան միսը շատ համեղ է, և դրանից պատրաստված կերակուրները շատ թանկ արժեն:

Սպիտակ շնաձուկը

Շնաձկան երկրորդ հայտնի տեսակը կոչվում է սպիտակ: Սպիտակ շնաձուկը ամենավտանգավոր շնաձուկն է: Այն շատ ագրեսիվ է: Սպիտակ շնաձուկն ապրում է բոլոր օվկիանոսներում, բացի Հյուսիսային սառուցյալ օվկիանոսից: Նրա երկարությունը հասնում է 5 մետրի, իսկ քաշը 600-ից մինչև 1000 կիլոգրամ է: Սպիտակ շնաձուկը, մնացած շնաձկների նման, հիմնականում սնվում է ծովային կենդանիներով և ձկներով: Մի սպիտակ շնաձուկ Միջերկրական ծովում կերել է մի ամբողջ նավ: Սպիտակ շնաձկան մասին նույնիսկ ֆիլմեր կան նկարահանված:

Սև ծովի շնաձուկը

Գիտե՞ք, որ շնաձկներն ապրում են նաև Սև ծովում: Թեպետ, շնաձկան այս տեսակը վտանգավոր չէ: Նա չունի շատ սուր ատամներ: Այս շնաձուկը չափսով էլ մեծ չէ: Այս շնաձուկը կոչվում է կատրան: Ամենամեծ չափսի կատրանը մինչև 15 կիլոգրամ է, իսկ նրա երկարությունը 1-1,5 մետր է: Կատրանն ունի մուգ կապույտ մեջք և սպիտակ փոր: Սնվում է միայն ձկների մի քանի տեսակներով:

Այս շնաձուկը հազվադեպ է դուրս գալիս ծովից: Նրան հնարավոր է բռնել ծովի հատակին, հիմնականում գիշերային ժամերին: Այստեղ նրա սիրած մի քանի տեսակ ձկներ կան սնվելու համար, կատրանն այս ձկների հետ տեղափոխվում է այնտեղ, ուր դրանք գնում են: Սակայն կատրանը բոլորովին անվնաս չէ: Նա մեջքի վրա ունի թաքնված մի մեծ թունավոր փուշ: Այդ պատճառով ձկնորսները պետք է զգույշ լինեն: Թունավոր փշի ծակոցից կարող է նույնիսկ մարդ մեռնել: Կատրանին մեծ զգուշությամբ են բռնում:

Մեգալոդոնը

1,5 միլիոն տարի առաջ գոյություն ուներ ջրային հսկայական գիշատիչ շնաձուկ, որին գիտնականները կոչել են մեգալոդոն: Մեգալոդոնի մասին բազմաթիվ ֆիմեր կան նկարահանված: Նա այնքան մեծ էր, որ զարմացնում էր մարդուն: Այդ պատճառով էլ մարդիկ նույնիսկ կասկածում էին, որ այն գոյություն ուներ: Բայց գիտնականները հայտնաբերել են նրա ատամները: Մեգալոդոնը ողջ տիեզերքում ամենավտանգավոր գիշատիչն է համարվում:

Մեգալոդոնին այդ անունը տվել են հսկայական ատամի պատճառով: «Մեգա» նշանակում է մեծ, իսկ «օդոն»` ատամ: Նրա ատամի երկարությունը հասնում է 18 սանտիմետրի: Եթե համեմատենք մեծ սպիտակ շնաձկան ատամի երկարության հետ, մեգալոդոնի ատամի երկարությունը 2 անգամ ավել է: Սպիտակ շնաձկան ատամի երկարությունը հասնում է 8 սմ-ի: Ըստ ատամների չափսի, համարում են, որ մեգալոդոնի երկարությունը պետք է լիներ12-ից մինչև 30 մետր:

Կապույտ շնաձուկը մեգալոդոնից մեծ է, բայց մեգալոդոնը նրան պատառ-պատառ էր անում և ուտումէր: Նա հիմնականում շնաձկներ էր ուտում:

Այսօրվա դրությամբ այս գիչատիչ ձուկն այլևս գոյություն չունի: Ի՞նչը պետք է խանգարեր այսպիսի զորեղ արարածի գոյությանը: Գիտնականներն այդ հարցին ճշգրիտ պատասխան չունեն: Գիտնականները կարծում են, որ դրա պատճառ կարող էր դառնալ մեծ սառցակալումը Երկրագնդի վրա, որին մեգալոդոնը չի դիմացել: