Եգիպտական բուրգերը
Եգիպտական բուրգերը աշխարհի հրաշալիքներից են: Դրանք հսկայական քարե շինություններ են, որ եգիպտացիները կառուցել են շատ երկար ժամանակ առաջ: Եգիպտացիները այս հսկայական շինությունները կառուցում էին առանց մեքենաների ու տրակտորների: Նրանք հսկայական քարերը ձեռքով էին կրում: Բուրգերը կառուցվում էին շատ երկար ժամանակ: Եգիպտացիները բուրգերը կառուցում էին փարավոնների համար:
Փարավոնը Եգիպտոսի թագավորն էր: Փարավոնը եգիպտական ժողովրդի համար Աստված էր: Ժողովուրդը շատ էր հարգում փարավոնին: Մահից հետո փարավոնին բուրգում էին հուղարկավորում: Բուրգը փարավոնների գերեզմանոցն էր: Եգիպտացիները հավատում էին, որ մարդ մահից հետո ևս ապրում է: Եգիպտական լեգենդը պատմում է, որ բուրգը փարավոնի տունն է նրա մահից հետո:
Ինչպե՞ս էին կառուցվում բուրգերը
Երանի ովքե՞ր էին կառուցում բուրգերը: Որոշ գիտնականներ ասում էին, որ բուրգերը կառուցում էին ստրուկներն ու օտարերկրացիները: Վերջին տարիներին ապացուցել են, որ բուրգերը կառուցել են սովորական եգիպտացի գյուղացիները: Ասում են, որ նրանցից ոմանք նույնիսկ կանայք են եղել:
Այս հարցին հստակ պատասխան մինչև օրս չկա: Բուրգերը շատ վաղ, Քրիստոսի Ծննդից առաջ 18-րդ դարում են կառուցել: Գիտնականները ենթադրում են, որ բուրգերը կառուցում էին Նեղոս գետի վարարման ժամանակ, այդ պատճառով էլ այդքան ձգձգվում էր դրանց կառուցումը:
Նեղոս գետը քարեր և ավազ էր բերում: Մարդիկ դրանք օգտագործում էին որպես շինարարական նյութ: Հսկայական քարերը տախտակների վրա դրած էին լուղարկում, իսկ գերանները պարաններով էին տանում: Քարերը շատ ծանր էին: Նրանցից մի քանիսը նույնիսկ հինգ տոննա է կշռել: Բուրգերի շինարարությունը ծանր աշխատանք է եղել: Եգիպտացիները ջանասիրաբար կատարել են այն: Նրանք հավատում էին, որ փարավոնի բուրգի
շինարարությունը սուրբ գործ էր:
Գիզայի բուրգերը
Մինչև օրս Եգիպտոսում պահպանվել է շուրջ քսան բուրգ: Դրանցից ամենամեծը Փարավոն Քեոփսի բուրգն է: Այս բուրգը կառուցում էր շուրջ 30,000 մարդ 80 տարվա ընթացքում:
Քեոփսի բուրգը հսկայական քարերով է կառուցված, որոնք այնքան սերտ են կապակցված իրար հետ, որ նրանց արանքով ասեղ չի անցնի: Տեսնողը կարծում է, որ այս բուրգը մի հսկայական, ամողջական քարաբեկոր է: Գիզայի երկրորդ բուրգը Խեփրենի բուրգն է, իսկ երրորդը Միկերինասի բուրգ է կոչվում: Ե՛վ Խեփրենը, և՛ Միկերինասը Քեոփսից համեմատ փոքր չափի են:
Բուրգերի կողոպտիչները
Հուղարկավորման ժամանակ Փարավոնի հետ թաղում էին գանձեր և կահույք: Ժողովուրդը գիտեր, որ բուրգերը լի էին թանկարժեք իրերով: Եգիպտացիների համար փարավոնն Աստված էր և երբեք չէին համարձակվի թալանել նրան: Սակայն այստեղ գալիս էին նաև այլ մարդիկ, ովքեր ցանկանում էին գտնել փարավոնի գանձերը: Բուրգերի առաջին կողոպտիչ է համարվում խալիֆա Աբլ Ալլահ Մամունը: Նա մի հսկայական թունել է փորել` Քեոփսի բուրգ մուտք գործելու համար: Սակայն այնտեղ մտնելով` ոչինչ չի հայտաբերել: Մարդիկ աստիճանաբար վերջ են տվել բուրգ մտնելու փորձերին: Բայց չեն դադարել այն կողոպտել: Քեոփսի բուրգը դրսից պատած է եղել սպիտակ շողշողացող քարերով: Այս քարերը շատ թանկարժեք են եղել: Մարդիկ աստիճանաբար բուրգից քարե սալիկները հանել են: Քեոփսի բուրգը գողություն պատճառով նույնիսկ փոքրացել է: Նախկինում նրա բարձրությունը 146 մետր է եղել, իսկ այսօր այն 137 մետր է: Մարդիկ կամաց-կամաց նրա վրայից հանել են մեծ քարերը, որոնք այնուհետև օգտագործում էին տների շինարարության համար:
Սֆինքսը տարօրինակ, հեքիաթային արարած է: Այն առյուծի մարմին և մարդու գլուխ ունի: Սֆինքսի հս-կայական ար-ձանը Եգիպ-տոսում Քեո-փսի բուրգի մոտ է կանգնած: Եգիպտացիներն այն կառուցել են, որպեսզի պաշտպանեն Քեոփսի բուրգը: Սֆինքսի քանդակի բարձրությունը 20 մետր է, իսկ երկարությունը` 60 մետր: Որոշ գիտնականներ համարում են, որ Սֆինքսը նույն կերպ է կառուցվել, ինչպես բուրգերը, թեպետ գիտնական Մարկ Լայները հերքել է այդ տեսակետը: Նա պնդում է, որ Սֆինքսի գլուխը մի հսկայական ամբողջական քարաբեկոր է: Եգիպտացիներն այն տաշել են և մարդու գլխի ձև տվել: Առյուծի մարմինը նրան կցակառուցել են հետագայում: Մարկ Լայները գրում է. «Սֆինքսի գլուխը շատ նման է ամպի: Հավանաբար այդ քարը շատ երկար է մնացել ծովի հատակում: Հետո եգիպտացիները հանել և բերել են այստեղ:
Այսօր Սֆինքսի արձանը այլանդակված է: Նա չունի քիթ: Սակայն այն հիմնովին չի քանդված: Եգիպտացիները հավատում են, որ քանդակը մինչև օրս պաշպանում է Քեոփսի բուրգը:
