მანანა არჩვაძე-გამსახურდია - საქართველოს პირველი

„პირველი ლედი“

2

2

3

3

მანანა არჩვაძე-გამსახურდია მეუღლესთან და ოჯახთან ერთად თბილისში, „კოლხურ კოშკში“ ცხოვრობდა.

ზვიად გამსახურდიას პრეზიდენტობის პერიოდში საქართველოში სიტუაცია ძალიან აირია. ზვიადმა სამეგრელოს შეაფარა თავი. მანანა და ოჯახიც მას გაჰყვა. ცოტა ხანში მათ საქართველოს დატოვება მოუხდათ. საქართველოში განვითარებულ მოვლენებს ხალხი ზვიადზე მეტად პირველ ლედის მიაწერდა და მას ადანაშაულებდა...

4

4

მანანა არჩვაძე-გამსახურდია ხშირად გამოდიოდა „ზვიადისტების“ პარტიასთან ერთად საქართველოს მთავრობის წინაააღმდეგ განცხადებებით.

მანანა არჩვაძე-გამსახურდია დღეს თბილისში ცხოვრობს. მას ორი ვაჟი - გიორგი და ცოტნე ჰყავს.

ნანული ცაგარეიშვილი-შევარდნაძე

ნანული ცაგარეიშვილი-შევარდნაძე საქართველოს რიგით მეორე „პირველი ლედია“. ის ედუარდ შევარდნაძის მეუღლე იყო. დაქორწინების შემდეგ მეუღლის გვარს ატარებდა და მას ყველა ამ გვარით იცნობდა.

5

5

ნანულის ბევრ ქვეყანაში ცნობდნენ და პატივს სცემდნენ. ის სხვადასხვა ქვეყნის პოლიტიკოსების მეუღლეებს დაუახლოვდა და მათთან მეგობრობდა.

6

6

ცნობილია, რომ ის უცხოელების მიერ ქართველი ბავშვების შვილად აყვანის წინააღმდეგი იყო; მათ წინააღმდეგ კამპანიას ხელმძღვანელობდა და მიიჩნევდა, რომ ეს ხელს უწყობდა ქართველების დემოგრაფიულ პრობლემას.

ნანული შევარდნაძეს საზოგადოებაში დადებითად იხსენებენ. თუმცა ხალხს ახსოვს ერთი არასასიამოვნო ფაქტიც: იმ პერიოდში სოციალური ქსელები არც ისე კარგად მუშაობდნენ და ელექტროენერგიაც უმეტესად გამორთული იყო, მიუხედავად ამისა, მთელ საქართველოში გავრცელდა გამონათქვამი: „კარგმა დიასახლისმა ოჯახი 8 ლარად უნდა შეინახოსო“. ამ ნათქვამს ნანული შევარდნაძეს მიაწერდნენ.

7

7

ედუარდ და ნანული შევარდნაძეებს ჰყავთ ორი შვილი და ხუთი შვილიშვილი.

სანდრა ელისაბედ რულოვსი

სანდრა რულოვსი საქართველოს პირველი ლედის ტიტულს ყველაზე დიდხანს ატარებდა. ის ცხრა წლის განმავლობაში საქართველოს პირველი ლედი იყო.

8

8

სანდრა რულოვსი პოლიტიკაში არ ერეოდა. თუმცა ყოველთვის მხარში ედგა მეუღლეს. ის მეუღლესთან ერთად იყო საარჩევნო კამპანიების დროსაც.

სანდრა რულოვსი საქართველოში ქველმოქ-მედებას ეწეოდა და დღემდე ამ საქმიანობას აგრძელებს. ამერიკიდან საქართველოში დაბრუნების შემდეგ სანდრამ მუშაობა წითელი ჯვრის ორგა-ნიზაციაში დაიწყო. შემდეგ დააარსა საქველმოქმედო ფონდი „სოკო“. ფონდი საქართველოში სამედიცინო მომსახურების გაუმჯობესებისათვის მუშაობს.

9

9

სანდრა მისდევს ჯანსაღი ცხოვრების წესს. ის ხშირად მონაწილეობს ველოსიპედისტთა ტურებში.

სანდრა რულოვსი ხელს უწყობს საქართველოში ფრენბურთის განვითარებას. პირველი ლედი თვითონაც კარგად თამაშობს ფრენბურთს.

2004 წელს სანდრა რულოვსმა ავტობიოგრაფიული წიგნი „იდეალისტის ნაამბობი“ გამოსცა. წიგნი ჰოლანდიურ ენაზე დაიწერა და მალევე ქართულადაც ითარგმნა.

10

10

2007 წელს სანდრა რულოვსმა მთელ კავკასიაში კლასიკური მუსიკის პირველი რადიოსადგური დააარსა. რადიოსადგურს „მუზა“ ჰქვია. სანდრა თვითონაც მუშაობს „მუზაში“ და საღამოობით მსმენელებს კლასიკური მუსიკის მოსმენას სთავაზობს.

2013 წლის ოქტომბრიდან სანდრა რულოვსი საქართველოს პირველი ლედი აღარ არის. თუმცა ის ოჯახთან ერთად ისევ თბილისში ცხოვრობს და საქველმოქმედო საქმიანობას განაგრძობს.

მაკა ჩიჩუა - საქართველოს ამჟამინდელი პირველი ლედი

2013 წლის ოქტომბრიდან საქართველოს პირველი ლედი მაკა ჩიჩუაა. ის საქართველოს პრეზიდენტის - გიორგი მარგველაშვილის მეგობარი ქალია.

11

11

12

12

მაკა ჩიჩუა ჯერჯერობით საზოგადოებრივი ან პოლიტიკური აქტივობებით არ გამოირჩევა.

იცოდით თუ არა, რომ...

პირველად მთელ მსოფლიოში ტერმინი „პირველი ლედი“ მართა ვაშინგტონს უწოდეს. ტერმინი პირველად გაზეთ „ბოსტონ კურიერის“ ჟურნალისტმა გამოიყენა.

13

13